حلاوة الجبن
المقادير :
ثلاث ارباع كوب ماء
نصف كوب سكر بودره
ثلاث ارباع كوب سميد
كوب ونصف جبن موزريلا مبشور
شوي ماء زهر
الحشو :
قشطه بيتيه او قيمر القشطه العاديه ماتصلح مقادير القشطه البتيه ؛ كوب حليب سائل ، ٣ ملاعق نشا ،، ٤ ملاعق سكر ، علبه قشطه تخلط مثل المهلبيه ع النار واذا جمدت نستخدمها ويفضل تبرد قبل الاستخدام .. قطر او شيره
كوبين سكر + كوب ماء + قطرات ليمون المنكهات عند الرغبه ( هيل حب ، عود دارسين ، زعفران ، شريحة ليمون ) يوضع المقادير مع بعض وع النار لمدة ٥ -٧ دقايق فقط اشيل المنكهات الهيل والدارسين واحتفظ بالشيره في علبه في الثلاجه .. طريقة حلاوة الجبن :
يوضع الماء والسكر ع النار لين يسخن شوي
اضيف السميد واحرك .. بعدين اضيف جبن الموزريلا .. واحرك راح تتكون عندي عجينه ماتصلق في الجدر ، اطفي النار واحط ماي الزهر .. بكذا تكون عجينه حلاوه الجبن جاهزه
بالنسبه للتشكيل
اخذ ورق نايلون طعام ادهنه بشوي قطر او شيره واحط جزء من العجين وافرده ع شكل مستطيل ،، ارتبه بالسكين بحيث يكون مستطيل مرتب واحط الحشو افتح القيمر شوي من الجنب واحط الحشو ع طول المستطيل مع ترك مسافه ع الحافه ،، اثني طرف المستطيل الثاني حتى اسكر ع الحشو واسكر الطرف ب اصبعي واقطعها قطع متساويه واحطها في صحن وازينها بالفستق وتوضع في الثلاجه لحين التقديم وبس
