طريقة الرز لذيذة
وهذي طريقة الرز للي طلبوه ولاتحرموني تفاعلكم ربي لايحرمكم جنته💖
رز بالروبيان والطماط المشوي
ناخذ طماط صغار ونقطعهم انصاف
ونحطهم في صينية مايلصق الاكل فيها
او نحطهم على ورق زبده ونحط عليهم ملح
وفلفل اسود ونرشهم بزيت زيتون وندخلهم
الفرن من فوق نشويهم ونطلعم ونحطهم ع جنب
ننقع الرز نص ساعة بماي ساخن
ونحط ماي للسلق ع النار ونحط معاه ماجي
للنكهة وملح ونسلق الرز لين يستوي ونشخله
ونحط زيت في القدر وفوقه مبشور الثوم
والزنجبيل نحركهم شوي ونكب الرز ونغطيه
ع نار هااادية لين يطلع البخار ونطفيه
ناخذ روبيان حجم كبير او ووسط وننظفه
زين وننظف ظهره ونغسله ونذوب زبدة
مع ورق غار ودارسين للنكهة ونطول ع النار
ونحط الروبيان دقيقة ونوطي النار ونقلبه
ونحط عليه ملح وفلفل اسود وثوم مطحون
ونطفي النار ونحط الرز وفوقه الروبيان
وفي الجوانب الطماط و ناخذ الصلصلة
الي طلعت من الروبيان ونحطها فوق الروبيان
وعوافي
