محشي البصل ع طريقتي ..
طبعا حسب الكميه اللي تحبين انا احط بالنظر بس بحاول اكتب لكم مقدار تقريبي وطبعا تقدرين تزيدين او تنقصين حسب الرغبه
رز مصري ٢ كوب
صلصل علبه
كوب زيت زيتون
نصف كوب دبس الرمان
فصين ثوم
حبه بصل وسط
طماطم حبه كبيره
شدة كزبره
شدة بقدونس
٢ ملعقه كبيره بهار المحشيات يباع في بنده صورته موجوده في الفيديو
رشه ليمون اسود مطحون
شوي نعناع طازج
ملعقتين كبار بهار خضروات يباع في التميمي موجود صورته في الفيديو بعد
ملح
بهار منوع
٢ حبه ماجي
١٠ ليمونات اقل او اكثر بعد حسب الرغبه ..
بصل ابيض وممكن تستخدمون الاحمر
لقاع الصينيه
طماطم مقطع حلقات
بطاطس مقطع حلقات
الطريقة ؛
يغسل الرز ثم ينقع تقريبا نصف ساعه
بعدها اصفيه من الماي واحطه ع جنب
في محضرة الطعام احط البقدونس و الكزبره و الثوم والبصل والطماطم ونصف علبه معجون طماطم وربع كوب دبس الرمان ونصف كوب زيت زيتون واطحنهم عدل بعدين اضيفهم ع الرز واضيف عصير ٥ ليمونات وملح و البهار المنوع و بهار المحشيات و الليمون الاسود المطحون وبكذا تكون الحشوة جاهزة
نجي للبصل بعد ماشيل عنه القشر اقص شوي من فوق و شوي من تحت بعدين اقص بالسكين جهة وحده لين اوصل للنصف هالخطوة موجوده في الفيديو للي مافهم الشكل
بعدين اسلق البصل مع رشه ملح لمده عشر دقايق الى ربع ساعه
بعد ماينسلق بيكون سهل افكك البصل ل شرايح .. اخذ شريحه بصل واحط الحشو ع الطرف والف للنهايه .. احط في صينيه حلقات طماطم و بطاطس
واصف فوقهم محشي البصل .. الحين مجهز الصوص
بيكون مكون من
باقي معجون الطماطم - باقي زيت الزيتون - باقي دبس الرمان - شوي ماي دافي اذوب فيه الماجي - عصير ٥ ليمونات - بهار الخضار واخلطها واصبه ع المحشي و اغلف الصينيه بالقصدير واذخلها الفرن درجه ٢٥٠ من تحت لمده ساعه ونصف بعدها اشيل القصدير واخليه من فوق وتحت لمده نصف ساعه
يعني بيتخذ وقت ساعتين في الفرن .. وبس
