مسخن الدجاج
المقادير
راح اكتب المقادير واذا بتسوين كمية اكبر ضاعفي الكمية .. صحن صدوردجاج مسلوق مع بهارات وملح ومسحب ( ممكن استخدام دجاجه كامله او اي شي تفضلينه )
كوب مرق سلق الدجاج
٢ بصل كبير مقطع شرائح
نصف كوب زيت زيتون
٤ ملاعق كبيره سماق
فلفل اسود
ليمون اسود مطحون
عصير نصف ليمونه او اكثر او اقل او يمكن الاستغناء عنها او استبدالها ب دبس الدمان
شرائح سبرنغ رول دلتا بالزيت .. جبن سائل
مقادير الصوص
زبادي - سماق -ملح -ليمون -ثوم بودره -فلفل اسود
الطريقة ؛
نسلق الدجاج مع بهارات وملح وبعدين بعد ماينضج يسحب ،، ناخذ كوب تقريبا من ماي سلق الدجاج ونحطه ع جنب .. نحط شرائح البصل مع ثلث كوب زيت زيتون الباقي بستخدمه في خطوه ثانيه
نحرك فيه لين يبتدي يذبل شوي اضيف له شوي من ماي سلق الدجاج حتى يطلع لين وينضج بعد مايحف المرق
بعدين احط سماق و فلفل اسود وليمون اسود مطحون احرك واحط الدجاج المسحب وعصير الليمون او دبس الرمان وشوي بعد من مرق الدجاج لين تمتزج المكونات مع بعض عدل
ناخذ شريحة سبرنغ رول دلتا بالزيت المجمد ماينفع لازم بالزيت
نقصها بالنصف ل مستطيلين
ناخذ قطعه وادهنها ب ماي سلق الدجاج
واحط الحشو ع الطرف والف نهايتها احط جبن سائل حتى يتسكر الاصبع عدل
ادهن الصينيه ب زيت زيتون واحط اصابع المسخن فيها
وهكذا لين تخلص كل الكمية .. اللي تحب المسخن يقرمش راح تدهن الوجه ب زيت زيتون وشويه مرق الدجاج وتدخله الفرن من تحت بعدين يتحمر من فوق وتحط الزينه
اللي تحب المسخن يكون لين
بعد ماتصف اصابع المسخن راح تصب نصف كوب تقريبا من مرق الدجاج ع الاصابع وتغلف الصينيه بالقصدير وتدخلها الفرن لين يجف بعدين تفتح الفرن وتمسح الوجه ب زيت زيتون و تحمرها وبس
