مقلوبه الدجاج بالخضار
المقادير
دجاج مسلوق و مسحب ( مفتت بس قطع كبيره حتى مايذوب كله ويختفي 😅 ) او دجاجه مقطعه ارباع حسب الرغبه .. معجون طماطم
فلفل اخضر بارد
طماطم مطحون
بهار منوع
كركم
كمون
فلفل اسود
ملح
بصل
زنجبيل & ثوم ( انا استخدم ماركة ام اف معجون الزنجبيل ومعجون الثوم وممكن تحطين الطازج )
رز مغسول ومنقوع
زبده & زيت
ورق غار
بهارات حب ( هيل ، دراسين او قرفه ، مسمار او قرنفل )
بطاطس مقطع حلقات مقليه و مملحه
باذنجان مقطع محلقات مقليه ومملحه
الطريقة ؛
اذا كنت راح اسويه ب الدجاج المسحب ف اول خطوه بسلق الدجاج ب ماء وبهارات لين تنضج وبعدين اسحبها قطع كبيره واللي تبغي تسويه ب دجاجه كامله تستغني عن هالخطوه .. بعدين
نضع القليل من الزبده ونخلطه مع شوي زيت حتى ماتحترق ونحط البصل والبهارات الحب ونحرك لين يذبل البصل واحط الثوم و الزنجبيل واحرك .. بعد مايذبل احط البهارات والفلفل الاسود و الكركم والكمون ومعجون الطماطم واحرك شوي لين تطلع الريحه .. اضيف الطماطم المفروم واحرك واضيف الدجاج المسحب ولا ننسى الملح واخليه يتسبك شوي .. بالنسبه للي بتستخدم دجاجه كامله راح تحط الدجاج وتتركه كذا خمس دقايق بعدين تضيف ماي مغلي يغطي الدجاج ولا ننسى الملح ،، وتخليه لين ينضج ويصيرالماي قليل تقريبا بس مو جاف نهائي واحط فوقه البطاطس المقلي اولا بعدين فوقهم باذنجان وحلقات فلفل بارد
نجي للرز بعد مانغسله وننقعه احط ماي يغلي بعدين اضيف الرز والملح واخليه ينضج ٥٠٪ فقط وبعدين اصفيه عن الماي .. لو كنتي طابخه دجاجه كامله بتحطين الرز ع الدجاج ونخليه ع نار هادئه يكمل نضج بعدين يقلب ويقدم
بالنسبه للدجاج المسحب تختلف الطريقة شوي .. راح اخذ صينيه فرن احط حمسه الدجاج المسحب وفوقها البطاطس وفوقه الباذنجان وحلقات الفلفل البارد الاخضر
واخيرا الرز واغطيه بالقصدير واخليه في الفرن نار تحت لين ينضج الرز ويقلب ويقدم ،، اكيد بتسالون شو الفرق بين الدجاج المسحب والدجاج الكامله
مافيه فرق الا انه اسهل ل عيالي ياكلونه ع طول مقطع وجاهز 😁🌹 وبس
