طريقة تشيز التوت أو الورد
المقادير :
صينيه ٩ انتش
٢ كاس بسكوت دايجستف مكسر ناعم غير مطحون
٣/٤ اصبع زبده سايحه
الحشوه:
٩٠٠ غرام جبنه فلادلفيا او كيري
كاس ووثلث سكر - يستخدم الخاصه بالقياس مو اي كاس
٤ بيضات
ملعقتين فانيلا
٢/٣ كاس لبنه
٢/٣ كاس كريمة الخفق
٢ملعقه من نكة التوت من شركة فوستر كلاك
او من نكة الورد
وملعقتين من اللون الاحمر للون وردي جميل
الطريقة:
لازم كل شي يكون بدرجة حراره الغرفه
مطلع قبل بساعتين
نسخن الفرن على درجة حرارة ٣٢٥
ندمج البسكوت والزبده ونرصه بقاعدة الصينيه ووبعدين نغلف الصينيه من برا بقصدير مرره ٤ طبقات كويس لاننها بنحطها بحمام مائي 👍 ونبداء بالخليط
بالخلاط اليدوي او الستاند ابدا مو الكأس خطاء❌
نبداء بخلط الجبن اول شي الين مره يتجانس ويصير ناعم بعدين نظيف السكر ونخلط لمده ٢ دقيقه لازم
بعدين نضيف الفانيلا ونخلط
بعدين نضيف البيض وحده وحده ونخلط بعد كل وحده دقيقه كامله 👍
بعدين نضيف اللبنه ونخلط
بعدين الكريمه
واخر شي بعد ماينخلط كلش ويصير الخليط ناعم وسلس نضيف النكه المطلبونه واللون
نصب الخليط بصينيه وهي مغلفه قصدير من برا زين ونحطها بصينيه كبيره مستطيله وندخلها الفرن ونعبي الصينيه الكبيره مويه مغليه الين توصل نص الصينيه
نخليها بالفرن ساعه ونص
بعدين نطفي الفرن ونخليها نص ساعه جوا الفرن من دون مانفتح الفرن بعدين نفتح باب الفرن شوي فقط ونخليها ساعه كامله الين تصير درجه حراره الغرفه بعدين نطلها من صينيه المويه ونتاكد مادخل القصدير مويه بعدين نغلفها من فوق قصدير وندخلها الثلاجه ٦ ساعات
وبعدها نطلعها ونفق الصينيه شوي شوي ونزينها بالمربى
