السمبوسه الهندية
المقادير
مقادير الحشو
جزر مبشور
بصل و ثوم مهروس و زنجبيل
بزاليا
فلفل اخضر بارد مقطع مكعبات
بطاطس مسلوق ومهروس
كاري ، كركم ، ملح ، فلفل حار عند الرغبه
مقادير العجين ؛
كوبين طحين
٢ملعقه صغيرة كمون حب
نصف ملعقه صغيره ملح
نصف كوب زيت
نصف كوب ماء
تخلط مع بعض جيدا وتترك ترتاح نصف ساعه قبل التشكيل
الطريقة :
اسلق البطاطس في ماء واذا نضج اصفيه واهرسه
يوضع البصل مع شوي زيت ع النار اذا ذبل احط ثوم مهروس والزنجبيل واحرك .. اضيف الفلفل الحار اذا نحبها حاره انا حطيت معجون الفلفل من ام اف
نضيف الجزر المبشور و الفلفل الاخضر البارد و البازاليا و اخليه لين يذبلون
اضيف كركم و كاري واحرك بعدين اضيف البطاطس المهروس
ولا ننسى الملح .. نجي للعجين بعد ماترتاح نصف ساعه اسويها كور بحجم البيضه تقريبا
فرد الدائره بشكل خفيف حتى ماتصير معنا عجين واقصها بالنصف .. اخذ الطرف المستقيم واسوي منه مثلث مع وضع ماء حتى تلزق مع بعض
الطريقه موجوده فيديو للي مافهم طريقه التشكيل
ونسكرها عدل ونتاكد منهم انا وحده انفتحت اثناء القلي ووسخت الزيت ووسخت الحبات الباقي 🤕
الزيت يكون بارد احط فيه القطع بعدين اشغل النار عليه حتى ينضج العجين عدل ولا راح تشرب زيت وبس
