توشكا .. المقادير ؛
لحم مفروم
التتبيله ؛ ثوم بودره ، بصل بودره ، زنجبيل بودره ، بهار منوع ، فلفل اسود ، ملح ، بقدونس مفروم واللي تحب بعد نعناع مقطع صغار ،، خبز عربي انا استخدمت بر طبعا تقدرين تستخدمين الابيض ،، جبن حلوم او جبن قشقوان او اللي ماعندها ممكن جبن موزريلا
الطريقة :
يخلط اللحم المفروم مع مقادير التتبيله
يفتح الخبز العربي ليكون عندنا رغيفين خفيفين
لان الرغيف العربي يتكون من طبقتين من الخبز خفيفتين
ناخذ واحد منهم ونحط فوقه اللحم النيء
نحط فوقه شرايح من جبن قشقوان او حلوم وتغطى ب الرغيف الثاني
تدهن الصاج بالزبده او السمن او ممكن الفرن او حماصة التوست كلها تنفع
يوضع فيه الرغيف بحذر ع نار متوسطه لين ينضج اللحم بعدين اقلب الرغيف ع الوجه الثاني يتحمر وتقطع مثلثات مثل البيتزا وتقدم
