صينيه الدجاج بالكريمه
كريمه طبخ
دجاجه
خضار طبعا الخضار اللي تحبين انا حطيت
بطاطس مقطع دوائر
كوسا مقطعه
قرنبيط مقطع
فلفل اخضر حلقات
بصل حلقات
طماطم مقطعه دائره
جزر مقطع
باذنجان
مقادير التتبيله
٢ ملعقه زيت زيتون
عصير ليمونه
ملعقه مليانه معجون طماطم
فلفل اسود
ثوم بردره
كركم
حطيت بهار الدجاج نوع الشيف ماجيك
اوريغانو
ملعقه صلصله فرنسيه
الطريقه
نخلط مقادير التتبيله مع بعض
ناخذ الدجاجه و نسوي فيها شرائح بالسكين و نحط الملح و التتبيله ع الدجاجه عدل و بين الفتحات اللي سويت بالسكين واتركها تتبل ٤ ساعات او اكثر طبعا الذ
باقي التتبيله اشيلها ل بعدين راح استخدمها
احط في صينيه الفرن
الخضار اللي احب واحط فوقهم ملح
اخذ باقي التتبيله واحط فوقها تقريبا نصف كاس ماي واخلط واصبها ع الخضار. واحط قطع من الزبده الكميه حسب الرغبه نصف قالب اكثر او اقل
احط الدجاجه واغلف الصينيه بالقصدير وادخلها الفرن
خليتها ساعتين ابغي كل الخضار تذوب عدل ممكن ساعه ونصف .. بعدين فتحت القصدير وخليتها تتحمر واخيرا صبيت كريمه الطبخ في الصينيه وع الفرن تتسبك و تقدم مع خبز او مع رز ابيض
