طريقة الرز بالروبيان كثييير سالوني عن طريقته
وانا ناسيته هذي طريقته لعيونكم 🌹🌹
.
.
نذوب زبدة ع النار ونشيل منها شوي للوجه
ونحط عليها بصل وفلفل اخضر مقطعين صغار
اذا ذبلو نطول ع النار ونحط الروبيان نخلطه شوي
ونضيف عليه كازو نحركه ونخليه يتحمص
ونحط خضار مشكلة وزرشك الي يشبه حب الرمان
وبهارات ملح وكاري وكمون وكزبرة وبهار روبيان وعصرة ليمون
ونسلق الرز مع بهارات صحيحة هيل غرفة مسمار ورق غار اي شي تحبونه ونصفيه الرز اذا استوا ونرجعه ع النار في قدر
ناخذ الزبدة الي شلنها في البداية ونحط عليها زعفران وصبغة بودرة وممكن نكتفي بالزعفران عادي ونصبها ع الرز من فوق
نخلي الرز يتنشف ع نار هااادية ونقدمه ونحط فوقه الحمسة ونرش شوي زرشك وبالعافية 😋😋
