اكلير بحشوة الكاسترد
المقادير :
كاس طحين
كاس ماي
ربع كاس زبده =٥٠ غرام =نصف اصبع زبده
ملعقه صغيره فانيلا سائله
٣ بيضات كبيره
نصف ملعقه صغيره ملح
مقادير الحشو :
صفار ٣ بيضات
ربع كاس سكر
٢ ملعقه كبيره نشا
رشه ملح
كاس حليب
نصف ملعقه صغيره فانيلا سائله
مقادير الشوكلاته ؛
ربع كاس كريمه خفق الحلويات
نصف كاس كاكاو شيبس
ملعقه صغيره عسل
ملعقه صغيره فانيلا سائله
الطريقه :
اول شي اجهز الحشو
اخلط صفار البيض مع الفانيلا و السكر والنشا واخليهم ع جنب
احط كاس الحليب ع النار لين يسخن شوي
احطه ع خليط الصفار واخلطه بعدين ارجعه ع النار واحرك لين يتجانس واشيله واخليه يبرد .. العجين
احط الماي والزبده ع النار لين يغلي
انخل الطحين واحط معاه الملح واحطه ع خليط الماي واحرك لين تصير كوره من العجين
اتركها تبرد خمس دقايق
بعدين احط فوقها بيضه مع فانيلا واخلط لين تختفي البيضه
بعدين احط الثانيه واخلط لين تختفي
واخيرا احط الثالثه واخلط لين تختفي
بعدين احط الخليط في قمع واشكل
ادخله الفرن ع درجه ٢٠٠ مده ٢٠-٢٥ دقيقه
لنجاح الكلير يكون مقرمش من برا وفاضي من داخل
اذا نضج افتحه واحشيه ب الحشو اللي سويناه
واسوي الشوكلاته
احط الكريمه مع العسل والفانيلا ع النار لين يسخن بعدين احط الشوكلاته واطفي النار واحرك بيذوب
اغطي وجه الكلير ب الشوكلاته و يقدم
