السينابون
لعيون الي طلبوها نزلتها 😘
وابغى اشوف تطبيقاتكم .
استخدمت الملاعق والاكواب المعيارية
العجينه
نخلط ٢ كوب ماي دافي و٢ملعقة خميرة
وربع ملعقة ملح وملعقتين حليب بودر وربع كوب سكر
و٢ كوب طحين كويتي
نخلطهم كلهم مع بعض ونتركهم عشر دقايق او ربع ساعة
واذا خمرو وطلعت فقاعات نضيف ٣ اكواب طحين كويت
وملعقة بيكنج بودر ونخلطهم شوي ونضيف نص كوب زيت
ولو حسيناهاثقيلة نزيد شوي ماي
نتركها ترتاح دقايق ونفردها على شكل مستطيل ونمسحها بزبدة ذايبهوالحشوة سكر بني وقرفه ونلفها رول ونقطعها ونحطها في صينية متباعدين شوي لانها بتنتفخ كثير
نخليها في الصينية من ثلث الى نص ساعة ونشغل عليها النار
الصلصة
كاس سكر ناعم وثلاث ارباع علبة صغيرة حليب المراعي الي فيه شفاطة مزاز مصاص الي تسمونه هههه
وملعقة فانيلا بودر واربعة جبن كيري
نحطهم في الخلاط الى ان يتماسكون ويذوب الجبن وممكن نقلل او نكثر حليب حسب السيولة الي نبغاها
ونزينها بهرشي او نوتيلا وبالعاافية .
.
هشاااشة وطراااوة مو طبيعيه ونكهة الفانيلا في الصلصة مطلعتها مثل الجهااازة
.
جربوها ووروني ابداعاتكم .
وكلمة حلوة منكم مثل العسل ع قلبي تفرحني وتديل همومي فلا تحرموني الله لايحرمكم الجنة وريحتها😘🌹.
.
منشنو عشاق السينابون شهوهم اخر الليل 😍😋👍
..
