ايس كريم اللوتس :
المقادير :
اي كيك شوكلاته جاهز تفضلينه
بسكويت لوتس مكسر باليد او اوريو او اي بسكويت تحبينه او يمكن الاستغناء عن البسكويت تماما حسب الرغبه
مقادير الايس كريم :
كوب كريمه خفق الحلويات
٤ اظرف دريم ويب
ربع علبه حليب محلا
جبن فيلادفيا ٣٠٠غرام
ملعقه فانيلا سائله
علبه قيمر كبيره
التغطيه
زبده اللوتس او نوتيلا او زبده الفستق او اي تفضلينه او بدون تغطيه
اغلف الصينيه ب نايلون الطعام حتى اسهل بعدين اذا بطلعه
اخلط مقادير الايس كريم واكسر بسكويت لوتس او اوريو او بدون عادي واخلطه معاه بالملعقه فقط
احطه داخل الصينيه
بعدين اصف من فوق الكيك الجاهز ،، ادخلها الفريزر ليله كامله
اطلعها من القالب واقلبها واحط من فوق زبده لوتس مذوبه او اي شي مفضل عندك وازينها
وادخلها الفريزر شوي بس
حتى يكون القص مرتب احط السكين في ماي حار وامسحها بالمنديل واقصها بتكون مرتبه ،، وبس
ممكن ان ماتحطون كيك فقط خلطه الايس كريم وع الفريزر بعدين ب ملعقه الايس كريم تسوينها دوائر و تغطيه خفيفه من زبده اللوتس وبس يقدم
