بقلاوه عش البلبل او سوار الست
المقادير
فستق مجروش
عجينه جلاش
سمن او زبده
شيره ( قطر .. مقاديره كاس سكر ، نصف كاس ماي ، عصير نصف ليمونه و شوي زعفران عند الرغبه وع النار لين يتسبك شوي )
الطريقه
تقطع عجينه الجلاش بالمنتصف .. ناخذ جزء وبعد اقصه بالنصف يعني صار عندنا العجينه كامله ٤ اجزاء
ممكن اشتغل ع جزء منهم يعني ربع او بعد اللي تحب حجم اصغر تقص القطعه الربع بعد ل جزئين
يعني الحجم شي يرجع لك ،، المهم
ناخذ شريحتين جلاش فوق بعض
احط ع الطرف عود شوي سميك لو ماعندي سميك راح احط عودين مع بعض
الف العجين ع العود لين اوصل قريب الاطراف اترك مسافه تقريبا ٢ سم
ازم الاطراف للداخل واسحب عود الشوي والفها ع شكل دائره واثبت الاطراف ب شوي ماي ولا ننسى نغطي باقي العجين حتى ماتجف واحنا نشتغل
الطريقه حطيتها فيديو اسهل من الشرح كتابه
المهم بعد ماخلص القطع كلها بحطهم في صينيه واصب على كل قطعه سمن ذايب وادخلها الفرن من تحت درجه ١٦٠ او ١٧٠ لمده ٢٠ دقيقه تقريبا ،، بعدين احمرها من فوق
اول ماتطلع اسقيها شيره واتركها تبرد شوي واخيرا احشيها ب فستق مجروش
انا بعضهم حطيت فيهم قيمر و فستق وبس ❤️ اللي تحب البقلاوه مقرمشه بتعجبها و اذا ظلت ل يوم ثاني يصير طعمها مثل الجاهزه بالضبط
