حلا الاوريو .. المقادير
كاسين حليب بودره محموس
ظرف كريم كراميل
علبه قشطه
نصف قالب زبده = ٥٠ غرام = ربع كوب
ربع كوب سكر
كوب بسكويت شاي مطحون
بسكويت اوريو
الحشو :
اي شي تحبينه توفي سواء الجاهز او صنع منزلي ، جالكسي ، تويكس .. الخ
شوكلاته خام للتغطية
الطريقة ؛
يوضع الحليب بودره ع نار هادئه مع التقليب لين يصير لونه اشقر ..
اضعه في اناء واحط معاه السكر ، القشطه ، البسكويت المطحون ، ظرف الكريم كراميل ، الزبده المذابه واخلطهم لين تتكون عندنا عجينه سهله التشكيل
اخذ قالب سليكون ع شكل نصف دائره او اي قالب سليكون عندك او فنجان واغلفه ب نايلون
احط العجين داخله واسوي تجويف من الوسط
احشيه باللي احب واغطي الشكل ب عجين .. اخذ اوريو وافتح الحبه واشيل الكريمة واحط قطعه وحده حتى يتسكر تمام .. احطه في الفريزر تقريبا ربع ساعه يجمد
بعدين اطلعه من القوالب واذوب شوكلاته خام
جالكسي مايصلح ❌ لان يذوب من حراره الجو واذا مسكتيه راح يذوب في ايدك لازم شوكلاته خام
طريقة تذوبها في حمام مائي
ناخذ جدر نحط فيه ماي لين ربعه تقريبا
نحط داخله جدر ثاني وداخله الشوكلاته وع النار حتى تذوب الشوكلاته من بخار الماء وننتبه ان ولا قطرة من الماء تطيح مع الشوكلاته ولا راح يتكتل ويخترب
المهم بعد مانذوب الشوكلاته اغمس الحبات فيه واخليه يبرد وازينه وبس ❤️ يشبه طعمه حلا الاوريو من سنابل السلام
