خلية النحل 😋🍯🐝🐝
العجين ؛
٣ كاسات طحين
ملعقه كبيره خميره
كاس ماي
رشة ملح
نصف كاس زيت
ربع كاس سكر
الحشو
جبن كيري
التغطيه :
شيره ، عسل ، حليب مكثف محلا اي شي تحبينه
الزينه
حبه سوده ( حبه البركة، او سمسم )
حليب مبخر مثل حليب بوني او بوقوس
الطريقه ؛
نضع مقادير العجين مع بعض بس نراعي ان يكون الملح في جهة والخميره في الجهه الثانيه حتى مايقلل تفاعلها
نخلط جميع المقادير جيدا ويفضل العجن لمده ١٠ دقايق ع الاقل كل ماطولنا في العجن حصلنا ع عجين افضل .. نغطيها ونتركها تتخمر في مكان دافي تقريبا نصف ساعه
نشكل العجين ع شكل كره صغيره ونحشيها ب قطعه من الجبن واسكرها واحطها في صينيه مدهونه
اصف الكور جنب بعض وبعد ماخلص احط ع الوجه حليب مبخر ( مثل بوني او بو قوس او لونا او غيره ) وارش الحبه السوده او السمسم واتركها ترتاح مره ثانيه عشر دقايق في هالاثناء اسخن الفرن ع درجه ٢٠٠ واحطها ع الرف الوسطي انا استخدم فرن كهرب تاخذ معاي عشر دقايق بالضبط من اسفل وبعدين اشغل عليها من فوق بس تتحمر
اول ماطلعها اسقيها شيره او عسل او حليب مكثف محلا واغطيها شوي بعدين تقدم وبالعافيه
