كيكة الزيبرا
المقادير
كوب زيت
كوب لبن ( سائل مثل الحليب بس اثقل شوي مو زبادي )
٢ كوب سكر
٣ كوب طحين
٤ بيضات
ملعقه كبيرة باكنج باودر
ملعقه صغيره فانيلا
رشه ملح
خلطة الشوكلاته( ربع كوب كاكاو بودره مع ثلث كوب لبن واخلطهم عدل مع بعض )
الطريقه
ينخل الطحين ويخلط معاه الملح و الباكنج ويوضع جانبا ،، يخفق البيض و السكر والفانيلا جيدا
يضاف اللبن و الزيت ويخلط
واخيرا نضع خليط المواد الجافة
نقسم خليط الكيك ل قسمين بالتساوي
قسم اضيف له خليط الشوكلاته واخلطه عدل والقسم الثاني نخليه ابيض كما هو
ناخذ مقياس ثابت مثلا نصف كوب نجيب منه ٢
واحد نخليه للخليط الابيض و الثاني للخليط البني
ناخذ صينيه دائرية وندهنها بالزيت عدل
نحط في الوسط تماما نصف كوب خليط ابيض
بعدين فوقه في منتصف الخليط نصف كوب خليط بني
بعدين في المنتصف نصف كوب خليط ابيض وفوقه بالمنتصف نصف كوب خليط بني وهكذا لين تخلص الكميه كلها بالتناوب بين الابيض والبني
ناخذ عود شوي او سكين ومن فوق بس نحرك الخطوط مره ل فوق مره ل تحت طبعا الخطوه هذي مو ضروريه بس حتى نرسم شكل من فوق
تدخل فرن درجه ١٨٠ تقريبا خذت ٤٥ دقيقه
وبس
