كيكه الحليب بالتمر ،، ادري الصوره فاشله 🙈بس كنت مستعجله ماعليكم من الشكل الطعم 👌🏻. المقادير كوب تمر منزوع النوى
كوب حليب بودره محموس ( نضعه ع النار مع التقليب لين يصير لونه ذهبي )
ملعقه كبيره باكنج
ملعقه صغيره فانيلا
رشه ملح
كوب طحين
بيضتين
نصف كوب زيت
نصف كوب سكر
كوب ماء
عند الرغبه تضاف ملعقه صغيره قرفه مطحونه
التزيين ؛
نصف علبه حليب مكثف محلا مع ٦ قطع جبن كيري
جوز مجروش
الطريقه ؛
ننقع التمر في الماء الساخن ( كوب تمر مع كوب ماي ساخن الموجود في المقادير )
ننخل الطحين والحليب المحموس ومعاه الباكنج باودر والملح واذا تحبين نكهه القرفه بتحطينها معاهم
ونخليهم ع جنب
في الخلاط الكاس نخلط خليط التمر جيدا ،، ونخليه ع جنب
نخلط البيض و السكر والفانيلا لين يصير الخليط ابيض
نضيف الزيت ونخلط بعدين نضيف خليط التمر ونخلطهم
واخيرا خليط المواد الجافه ويكون بالتدريج وع صينيه مدهونه و في الفرن لين تنضج وتزين و تقدم ❤️
ملاحظه ؛ لاتستخدمون في هذي الكيكه نفس القالب اللي استخدمته لان احترقت الجوانب و تعبت ع مانضجت من داخل
استخدمو بايركس مستطيل وسط درجه ١٦٠ وتضبط
